Бул тууралуу райондук билим берүү бөлүмүнүн башчысы Сейитбек Абдылдаев билдирди.
Анын айтымында, «Алтын казык» программасынын алкагында министрлик башталгыч класстардын мугалимдерин колдоо үчүн 282 ноутбук берген. Бул демилге педагогдордун санариптик мүмкүнчүлүктөрүн кеңейтүүгө, окуу процессине заманбап технологияларды киргизүүгө жана анын натыйжалуулугун жогорулатууга багытталган.
«2025-жылы президенттин жана Билим берүү министрлигинин колдоосу менен география, биология жана химия сабактарынын мугалимдери ноутбуктар менен камсыздалган, эми башталгыч класстардын мугалимдери да алышты. Ноутбуктар айыл өкмөтүнүн балансында болот. Бул мугалим башка жумушка өткөн учурда, ал ноутбуктарды алмаштыруучу педагогго өткөрүп берүүгө мүмкүнчүлүк берет. Бул чара мугалимдердин иштерин жеңилдетет», – деп белгиледи Абдылдаев.
