Иш-чарага Кыргызстан Билим берүү министрлигинин орун басары Надира Жусупбекова, «Окуу китеби» басмаканасынын директору Тологон Аматов, ошондой эле Россия Билим берүү министрлигинин жана «Просвещение» басмаканасынын кызматкерлери катышты.
Жыйындын жүрүшүндө орус жана кыргыз тилдеринде билим берүү жүргүзүлгөн жалпы билим берүү мекемелеринин 3, 4, 6 жана 8-класстарына арналган окуу китептерин адаптациялоо процессу талкууланды.
Ошондой эле, 2025-жылдын күзүндө Россиянын министрлиги кыргыз тилинде билим берүү жүргүзүлгөн мектептерге 1, 2, 5 жана 7-класстар үчүн «Орус тили жана окуу» предмети боюнча 651 миң окуу китебин жөнөтүүнү пландап жаткандыгы белгиленди.
Мындан тышкары, конференциянын катышуучулары кыргыз тилинде билим берүү жүргүзүлгөн 1, 2 жана 5-класстар үчүн калган окуу китептерин жеткирүү этаптарын, ошондой эле 5 жана 7-класстар үчүн «Орус адабияты» жана 7-класстар үчүн «Орус жана дүйнөлүк адабияты» боюнча окуу китептерин талкуулашты.
Ошондой эле, белгиленген окуу жүктөмүн сактоо, окуу китептеринин учурдагы билим берүү стандарттарына ылайык келиши, ошондой эле окуу материалдарын билим берүү процессине киргизүү жана макулдашуу боюнча кийинки кадамдар талкууланды.
