Иш-чарага билим берүү министри Догдуркүл Кендирбаева, анын биринчи орун басары Мухтарбек Баймурзаев, И. Раззаков атындагы КГТУнун «Технопарк» директору Касымбек Келебаев, ошондой эле жергиликтүү билим берүү бөлүмдөрүнүн өкүлдөрү катышты.
Министр Догдуркүл Кендирбаева белгилегендей, тапшырылган жабдыктар ноутбуктардын экинчи партиясы болуп саналат.
Мугалимдер ноутбуктарды райондук билим берүү бөлүмдөрү аркылуу алышат. Келечектеги жеткирүүлөрдө тарых, география жана кыргыз тили мугалимдери үчүн жабдыктарды берүү пландалууда. Жабдыктарда мугалимдердин иши үчүн зарыл болгон методикалык материалдар жана программалар орнотулган.
Өткөн жылы STEM дисциплиналары (математика, физика, химия, биология, информатика) боюнча мугалимдерге 27 031 ноутбук тапшырылганын белгилеп өтүү керек.
