Жыйында Билим берүү жана методикалык колдоо сапатын көзөмөлдөө бөлүмүнүн башчысы Гульмира Акматова 2025-жылга карата иштин жыйынтыктары боюнча аналитикалык маалыматты сунуштады. Бул документ билим берүү процессин көзөмөлдөө жана текшерүү маселелерине, ошондой эле жалпы билим берүү мекемелерине методикалык колдоо көрсөтүүгө багытталган.
Мамлекеттик санитардык-эпидемиологиялык көзөмөл борборунун (ЦГСЭН) өкүлдөрү билим берүү чөйрөсүндө туберкулёз, курч респиратордук вирустук инфекциялар жана гриппке каршы профилактикалык чаралардын маанисин түшүндүрүштү.
Мындан тышкары, Өзгөчө кырдаалдар министрлигинин (ӨКМ) кызматкерлери билим берүү мекемелеринде өрт коопсуздугун камсыз кылууга багытталган чаралар тууралуу маалымат бөлүшүштү.
Ошондой эле жыйында коопсуз жана сапаттуу билим берүү процессин камсыз кылуу боюнча башка аспектилер да талкууланды. Иш-чарага 128 адам катышты.
