Бул маалыматты К.Токоев атындагы мектептин директору Улан Атабаев Turmush агенттигинин кабарчысы менен болгон сүйлөшүүсүндө тастыктады.
Атабаевдин айтымында, учурда окуучулар баштапкы балдар бакчасы катары курулган имаратта билим алышууда.
«Биз азыркы убакта жайгашкан эски мектеп 1972-жылы курулган. Имараттын абалынын начарлашы себептүү 2008-жылдан бери балдар бакчасы үчүн арналган эки кабаттуу имаратты окуу жайы катары колдонуп келебиз. Аудиториялар жетишпегендиктен, класстардан бири акт залында сабак өткөрүүгө мажбур болду. Натыйжада жаңы мектептин курулушуна муктаждык пайда болду. Канатбек Калдаралиевдин маалыматы боюнча, жаңы эки кабаттуу окуу комплекси курулушу жазында башталат», - деп кошумчалады Атабаев.
Объектилер
Спутник
⛶
