Кыргызстанда 20 жаңы мектеп куруу пландалууда, алардын жарымы азыркы учурда курулуш процессинде. Бул маалыматты курулуш министри Нурдан Орунтаев өкмөттөгү жыйында билдирди.
Анын айтымында, жаңы мектептердин ар бири инклюзивдик билим берүү үчүн атайын даярдалган бир же эки класска ээ болот. Ошондой эле ден соолугунда мүмкүнчүлүгү чектелген балдарды толук кандуу билим алуусуна бардык шарттар уюштурулат.
Министр белгиледи: «Биз мүмкүнчүлүгү чектелген балдар үчүн жеткиликтүү жана ыңгайлуу билим берүү чөйрөсүн түзүүнү пландап жатабыз».
