Курулуш министрлигинин маалыматына ылайык, долбоордун ишке ашырылышы мамлекеттик бюджеттин каражаттарынын эсебинен жүргүзүлүүдө, жалпы баасы 127 миллион сомду түзөт.
Мектептин курулушу 2022-жылдын декабрь айында башталган, учурда пландалган иштердин 90%ы аткарылган.
Жаңы мектепте окуу класстары, спорт зал, китепкана, компьютер классы жана эмгек билим берүү үчүн атайын кабинеттер болот. Эки кабаттуу имараттын жалпы аянты 2297 чарчы метрди түзөт.
Курулуш аяктаган соң, билим берүү мекемесинде 750 окуучу билим ала алышат.
