Тюп райондук билим берүү бөлүмүнүн маалыматына ылайык, учурда чатырды калыбына келтирүү иштери жүргүзүлүүдө.
Райондун билим берүү бөлүмүнүн маалыматы боюнча, И. Касмалиев атындагы окуу жайдын чатыры Мин-Булак айылында 17-январдан 18-январга караган түнү катуу кар жаагандыктан жабыркаган. Объект боюнча документтер толук даярдалбагандыктан, Карасаев айыл өкмөтү мектепти баланска алууга мүмкүнчүлүк ала элек. Учурда окуучулар эски имаратта билим алууну улантууда. Жаңы мектепти куруучу курулуш компаниясы калыбына келтирүү иштерин аяктайт жана чатырдагы профнастилди алмаштырат. Бактыга жараша, окуядан жабыркагандар жок.
Эскерте кетсек, Мин-Булак айылындагы жаңы мектептин имараты 2025-жылдын 28-декабрында расмий ачылган.
