20-январда Кыргыз Республикасынын билим берүү министринин орун басары Надира Жусупбекова, мектепке чейинки жаштагы балдар үчүн билим берүү контентин иштеп чыгуучу D Billions компаниясынын өкүлү менен жолугушту. Бул тууралуу Билим берүү министрлиги маалымдады.
Жолугушуунун жүрүшүндө Кыргызстандагы мектепке чейинки билим берүү тармагында биргелешип иш алып баруунун мүмкүн болгон багыттары талкууланды. Жолугушуунун катышуучулары мектепке чейинки билим берүү мекемелеринде заманбап билим берүү материалдары жана медиа ресурстарды колдонууга көңүл бурушту.
