«Зыянга учураган түтүктү калыбына келтирүү үчүн бардык зарыл чаралар көрүлүүдө. Биз кошумча ресурстарды мобилизацияладык — «Таза-Булак» муниципалдык ишканасынын кызматкерлери, ошондой эле айылдардын башчылары жана билим берүү мекемелеринин өкүлдөрү тартылды», — деп белгилешти айыл өкмөтүндө.
«Таза-Булак» муниципалдык ишканасынан алынган маалыматка ылайык, мектепти жылыткан котельная менен мектепти байланыштырган суу түтүгү зыянга учураган. Учурда адистер жер астында жаткан түтүктүн так бөлүгүн издеп жатышат. Ошондуктан зыяндын ордун аныктоо жана кырсыкты жоюу үчүн жер казуу иштерин жүргүзүүдө.
«Суук жана туманга карабастан, эки күндөн бери зыянга учураган түтүктүн бөлүгүн казып алуу жана издөө иштеринин жүрүп жатканына көңүл бурулууда. Бул максатта атайын техника колдонулууда», — деп кошумчалашты «Таза-Булак» МПсинде.
Буга чейин Turmush 13-январда Исмаева атындагы орто мектепте, Александровка айылында, Миң-Булак айыл өкмөтүндө жылуулук системасынын түтүгү жарылгандыгын маалымдаган. Натыйжада 13-январдан бери миңден ашык окуучу онлайн форматта билим алууда.
