Кара-Суу шаарында В.Ленин атындагы мектептин 900 орундук кошумча корпусу курулду

Ош облусундагы Кара-Суу шаарында В.Ленин атындагы мектептин жаңы окуу корпусу ачылды, ал 900 окуучуну кабыл алууга жөндөмдүү.

Курулуш министрлигинин маалыматына ылайык, курулуш иштери 2024-жылдын апрель айында башталган жана республикалык бюджеттен каржыланган. Проекттин баасы 107 миллион сомду түздү.

Жаңы корпус окуу класстарынан тышкары лабораторияларды, компьютердик классты, медициналык кызматкер үчүн кабинетти, ошондой эле эмгек билим берүү үчүн жайларды камтыйт.

Жаңы имараттын жалпы аянты 2304 квадрат метрди түзөт.