Ылай-Талаа айыл өкмөтүнүн администрациясы үлүштүү (стимулдаштыруучу) грант аркылуу финансирование алуу үчүн арыз берди.
«Ачык бюджет» порталындагы маалыматтарга ылайык, 2025-жылга мэриянын жергиликтүү бюджетинен бөлүнгөн сумма 880 миң 785 сомду түзөт, ал эми үлүштүү (стимулдаштыруучу) грант үчүн 5 миллион сом талап кылынат.
Маселени сүрөттөө:
«Биздин мектеп 1955-жылы ачылган. Учурда эски имаратта 1-4-класстын балдары окуп жатат. Полдор, потолоктор жана эшиктер абдан жаман абалда. Имараттын ичиндеги жана сырындагы штукатурка түшүп жатат. Эгер капиталдык ремонт жүргүзүлсө, полдорду, эшиктерди алмаштырып, дубалдарды штукатурлап, заманбап жылуулук системасын орнотсок, бул билим алуу шарттарын кыйла жакшыртат. Биздин балдар заманбап шарттарда билим ала алышат», — деп мектептеги мугалимдер өз ойлорун бөлүштү.
