Нацстатком 2025-жыл үчүн кыргызстандыктардын орточо айлык маянасын эсептеди

Националдык статистика комитетинин отчетуна ылайык, 2025-жылдын январь айынан октябрь айына чейин Кыргызстандын жарандарынын орточо айлык маянасы 42 919 сомду түзүп, бул $491,3кө барабар.

2024-жылдын ошол эле мезгили менен салыштырганда, маяналар 19,2 пайызга өстү. Инфляцияны эске алганда, реалдуу өсүш 10,4 пайызды түздү.

Бишкек шаарында орточо маяна 54 618 сомго жетип, бул өлкөнүн бардык региондору арасында эң жогорку көрсөткүч болуп саналат.

Региондор боюнча маалыматтар:

• Ысык-Көл облусу — 46 261 сом;


• Нарын облусу — 39 934 сом;


• Талас облусу — 38 725 сом;


• Ош — 34 662 сом;


• Жалал-Абад облусу — 34 633 сом;


• Чүй облусу — 33 837 сом;


• Баткен облусу — 31 461 сом;


• Ош облусу — 26 914 сом.