Декларация-2024. Министр Нурдан Орунтаев канча акча тапты жана анын орун басарлары эмне менен ээлешет?

- 2025-жылы Кыргыз Республикасынын Министрлер Кабинетинин алдындагы Архитектура, курулуш жана турак-жай-коммуналдык чарба мамлекеттик агенттиги болуп аталган мекеме, Курулуш, архитектура жана турак-жай-коммуналдык чарба министрлигине айланган — бул 2025-жылдын февраль айында болду.

2023-жылдын 9-ноябрында аталган агенттиктин директору болуп дайындалган Нурдан Орунтаев 2025-жылдын 14-февралынан тарта министрлик кызматын аркалап жатат.

Декларациянын маалыматына ылайык, 2024-жылы анын кирешеси 1 439 314,79 сомду түзгөн, бирок чыгымдар тууралуу маалымат берилген эмес.

Орунтаев өзүнүн декларациясында төмөнкүлөрдү көрсөткөн:

• 0,8 га аянты бар айыл чарба максатындагы жер участогу;


• 1,6 га аянты бар айыл чарба максатындагы жер участогу.

Ал кыймылдуу мүлк тууралуу маалымат берген эмес.

Орунтаевдин туугандарынын кирешеси 2,3 млн сомду түзсө, ошол эле мезгилде чыгымдары да 2,3 млн сомду түзгөн.

Декларацияга ылайык, алардын активдери төмөнкүлөрдү камтыйт:

• 81,7 кв. м аянты бар батир;


• 1,2 млн жана 1,1 млн сомдук эки жеңил автоунаа (анын ичинде фургон жана пикап);


• 1,8 га аянты бар айыл чарба максатындагы жер участогу.

Архитектура, курулуш жана турак-жай-коммуналдык чарба мамлекеттик агенттигинин биринчи орун басары Джантелиев Самат Эшмухамбетович 2023-жылдын августунан тарта кызматын баштаган. 2025-жылдын 20-майынан тарта ал Кыргыз Республикасынын курулуш, архитектура жана турак-жай-коммуналдык чарба министринин биринчи орун басары болуп дайындалган. 2024-жылы анын кирешеси 1 260 994,14 сомду түзгөн.

Декларациясында ал төмөнкү жер участогундардын бар экенин көрсөткөн:

• 2 700 кв. м аянты бар айыл чарба максатындагы участок;


• 4 800 кв. м аянты бар айыл чарба максатындагы участок;


• 11 200 кв. м аянты бар айыл чарба максатындагы участок;


• 1 000 кв. м аянты бар айыл чарба максатындагы участок;


• 1 600 кв. м аянты бар айыл чарба максатындагы участок;


• 12 900 кв. м аянты бар айыл чарба максатындагы участок.

Анын туугандарынын кирешелери жана мүлкү тууралуу маалымат берилген эмес.

Курулуш министринин орун басары Турдугулов Бакай Болотович 2024-жылдын 7-мартынан тарта Архитектура, курулуш жана турак-жай-коммуналдык чарба мамлекеттик агенттигинин орун басары болуп иштеп, 2025-жылдын 20-майынан тарта курулуш министринин орун басары болуп дайындалган. 2024-жылы анын кирешеси 1 574 249,57 сомду түзгөн.

Турдугулов өзүнүн декларациясында 149 кв. м аянты бар турак үй жана 683 кв. м аянты бар үй-жай категориясына кирген жер участогуна ээ экенин көрсөткөн. Ошондой эле анын туугандарынын кирешелери жана мүлкү тууралуу маалымат берилген эмес.

Иманакун уулу Талантбек 2023-жылдын 4-августунан тарта Архитектура, курулуш жана турак-жай-коммуналдык чарба мамлекеттик агенттигинин орун басары болуп иштеп, 2025-жылдын 20-майынан тарта курулуш министринин орун басары болот. 2024-жылы анын кирешеси 1 118 817,28 сомду түзгөн.

Анын декларациясында төмөнкүлөр көрсөтүлгөн:

• жеңил автоунаалар, фургон жана пикап;


• 450 миң сомдук аттар;


• 246 миң сомдук ири мүйүздүү мал;


• 300 миң сомдук кичи мүйүздүү мал.

Жакын туугандарынын кирешелери жана мүлкү тууралуу маалымат берилген эмес.

Курулуш министринин орун басары Станбеков Бактыяр Карыпбекович 2023-жылдан тарта Архитектура, курулуш жана турак-жай-коммуналдык чарба мамлекеттик агенттигинин санариптик өнүктүрүү боюнча орун басары болуп иштеп, 2025-жылдын 20-майынан тарта курулуш министринин орун басары болот. 2024-жылы анын кирешеси 1 264 501,66 сомду түзгөн.

Бактыяр Станбеков
Анын декларациясына ылайык, ал төмөнкүлөргө ээ:

• 14 000 кв. м аянты бар айыл чарба максатындагы жер участогу;


• 12 600 кв. м аянты бар айыл чарба максатындагы жер участогу;


• жеңил автоунаалар, фургон жана пикап.