Ал Бишкек акыркы үч жылда бул тынчсыздандырарлык тизмеден эмнеге чыгып кете албай жаткандыгы тууралуу суроо берди. «Эмне тоскоол болуп жатат? Күч жетишпейби?» — деп тактады ал.
Табигый ресурстар министри Медер Машиев бул рейтингдин эл аралык аренада авторитеттүү эместигин жооп берди. Анын айтымында, аба булганышын өлчөө үчүн колдонулган маалыматтарды алган жалгыз сайт бар.
«Бул убакыт ичинде Бишкектеги абанын сапаты бир аз жакшырды. Чындыгында, абал бул датчиктер көрсөтүп жаткандай критикалык эмес, жана Кыргызстан аба булганышы боюнча биринчи орунду ээлей албайт. Анткен менен, маселе сакталууда. Элге так маалымат берүү үчүн Кыргызгидромет өзүнүн датчиктерин абанын сапатын мониторинг жүргүзүү үчүн орнотууда. Автоматтык станциялар 2026-жылга чейин шаарларда орнотулат», — деп билдирди министр.
«Мен да Бишкек дүйнөдө аба булганышы боюнча биринчи орунда болушу мүмкүн дегенге ишенбейм. Физика жана химия жагынан алганда, бул мүмкүн эмес. Биздин шаарда 1,3 миллион калк бар, ал эми башка шаарларда 10 миллионго чейин. Муну эске алууну суранам. Балким, техникалык көйгөйлөр бар. Бул коомдук тынчсызданууну жаратат, жана элге туура маалымат берүү зарыл», — деди Кыдыралиев Машиевге кайрылып.
