Кыргызстандын көпчүлүк аймактарында кар — 16-январга карата аба ырайынын божомолу

Кыргызгидрометтин маалыматы боюнча, 16-январь түнүндө Талас облусунун көпчүлүк бөлүгүндө, ошондой эле Чүй, Жалал-Абад, Баткен, Ысык-Көл жана Нарын облустарында жер-жерлерде кар жаашы күтүлүүдө. Ош облусунда болсо, жаан-чачын болбойт. Күндуз Чүй, Талас, Жалал-Абад жана Баткен облустарынын көпчүлүк бөлүгүндө кар жана жамгыр күтүлүүдө, Ош, Ысык-Көл жана Нарын облустарынын айрым райондорунда да кар жаашы мүмкүн, ал эми тоолуу аймактарда болгону кар жаайт.

Тоолуу жана тоо этектериндеги жолдордо кар катмары жана тайгактык пайда болот. Айрым жерлерде туман болушу мүмкүн. Жел батыштан 4-9 м/с ылдамдыкта эсет, күндүн ичинде айрым жерлерде анын ылдамдыгы 15-20 м/с чейин жогорулашы мүмкүн.

Аба температурасы:

Чүй облусу
түнүндө -3...+2
күндуз +1...+6

Талас облусу
түнүндө -3...+2
күндуз +2...+7

Баткен облусу
түнүндө -3...+2
күндуз +5...+10

Ош жана Жалал-Абад облустары
түнүндө -3...+2
күндуз +5...+10

Ысык-Көл облусу
түнүндө -1...-6
күндуз 0...+5

Нарын облусу
түнүндө -20...-25
күндуз -8...-13

Бишкекте түн ичинде жамгыр жана кар жаашы күтүлүүдө, күндүз да жамгыр жана кар күтүлөт. Түн ичинде жана эртең менен туман болушу мүмкүн. Жел батыштан 4-9 м/с ылдамдыкта эсет. Түн ичинде абанын минималдуу температурасы -1...+1° түзөт, ал эми күндүз максималдуу температура +4...+6° арасында болот.

Чолпон-Атада өзгөрмөлүү булуттуулук күтүлүүдө, жаан-чачындын болушу аз. Жел батыштан 4-9 м/с ылдамдыкта эсет. Түн ичинде абанын температурасы -1...-3°, күндүз болсо +2...+4° чейин жогорулайт.