Экотехнадзор кызматынан алынган маалыматка ылайык, 6-январда Чек айылында жана Кызыл-Кыядагы «Панорама» кафесинин жанында мыйзамсыз түзүлгөн таштанды жайлары аныкталды. Бул үчүн жооптуу болгон бардык адамдарга эскертүүлөр берилди.
Аталган жерлерди кайра текшерүүдө актылар түзүлүп, түшүндүрмөлөр жыйналды, ошондой эле санитардык жана экологиялык нормаларды сактоо боюнча түшүндүрүү иштери жүргүзүлдү. Натыйжада көрсөтүлгөн участкалардагы таштанды тазаланды.
Мындан тышкары, Жазгак айылында жергиликтүү тургундардын бири К. Н. тарабынан үй-бүлөлүк калдыктарды мыйзамсыз төгүү фактысы катталды. Ага мыйзамсыз жерлерде таштандыны чыгаруу, топтоо жана күйгүзүү боюнча 115-беренеге ылайык 5,5 миң сом өлчөмүндө айып пул салынды.
