Ош шаардык ИИБнин сүрөтү
Алдын ала маалыматтар боюнча, окуя 19-мартта таңкы 5:50 чамасында А. Мамыров көчөсүндө, «Асан-Үсон» дүкөнүнүн жанында болгон. Ошол учурда чет элдик унааны айдаган эркек аялды уруп кеткен.
Каза болгон адам Батма Мадмарова, 1959-жылы туулган, Араван районунун тургуну экени аныкталды. Ал «Тазалыкта» 2025-жылдын сентябрынан бери иштеп келген.
Окуянын фактысы электрондук эсепке алуу журналында катталган, учурда тергөө иштери жүргүзүлүп, соттук-медициналык экспертиза дайындалган.
1998-жылы туулган жана Бишкектин тургуну болгон айдоочу кармалган. Ал өзүнүн айтымында, тайгак жолдо башкарууну жоготуп, унаа жолдун четине чыгып кеткен.
Шектүү убактылуу кармоо жайында жатат.
