Региондук Жол кыймылынын коопсуздугун камсыздоо башкармалыгынан (ЖККБ) алынган маалыматка ылайык, мыйзам бузууларды аныктоого багытталган иш-чаралар 19-мартта башталып, 21-мартка чейин уланат.
Рейддерди өткөрүү учурунда ЖККБнын кызматкерлери унааларды активдүү текшерип, айнектердин мыйзамсыз тонировкасына жана жол кыймылынын башка мыйзам бузууларына өзгөчө көңүл бурушат.
Патрулдоо учурунда «Volkswagen Passat» унаасы токтотулду. Инспекторлор айдоочунун алдыңкы бока айнектерди зарыл уруксатсыз өзү тонировка кылганын аныкташты.
Мыйзам бузуучуга административдик протокол түзүлүп, күчүндө болгон мыйзамга ылайык, 20 миң сом өлчөмүндө айып пул салынды.
