Зардап чегүүчүнүн маалыматына ылайык, 11-декабрда ал 120 миң сомду, айдоочулук күбөлүк алууга жардам бере алам деп ишендирген эркекке өткөрүп берген. Бирок, борбордун тургуну алдамчылыктын курмандыгы болду.
Бул окуя боюнча Кыргыз Республикасының Кылмыш-жаза кодексинин 206-беренесинин 2-бөлүмү («Алдамчылык») боюнча кылмыш иши козголду.
Бишкек шаардык ички иштер башкармалыгынын уюшкан кылмыштуулукка каршы күрөшүү кызматкерлери 1998-жылы туулган Б.М.ны кармашты, ал азыркы учурда убактылуу кармоо жайында жатат.
Тергөө иш-чараларынын жүрүшүндө анын алдамчылык боюнча алты эпизодго катыштыгы аныкталды. Полиция башка курмандыктар болушу мүмкүн деп эсептейт. Укук коргоо органдары кармалган адамдын аракеттеринен жабыркагандарды же кандайдыр бир маалыматка ээ болгондорду 0 (505) 91-91-49, 0 (703) 35-15-65 жана 102 номерлери боюнча байланышууга чакырат.
