Баш калаанын тургуну өзүнүн «Хендай Грандер» үлгүсүндөгү унаасын биргелешкен бизнес үчүн өткөрүп бергенин, кирешенин көбөйүшүнө үмүттөнгөнүн билдирген. Бирок ал алданган: унаасы сатылып, акча каражаты кайтарылган эмес. Зыян $15 500 түзгөн.
Кыргыз Республикасынын Кылмыш кодексинин 209-беренеси («Алдамчылык») боюнча кылмыш иши козголгон.
Октябрь РУВДнын кызматкерлери 1994-жылы туулган У.К. деп аталган шектүүнү кармашты. Азыр ал убактылуу кармоо жайында.
Укук коргоо органдары анын башка кылмыштарга тиешеси болушу мүмкүн экенин четке какпайт. Ошондуктан, кармалган адамдын аракеттери тууралуу маалымат бере алгандар же анын аракеттеринен жабыркагандар 0 (700) 12-66-22 же 102 номерлери аркылуу байланышууга чакырышат.
