Ленин районунун Ички иштер башкармалыгынан алынган маалыматка караганда, 5-февралда милицияга М. Н. кайрылган. Ал 7-январда И. М. анын ишенимин жеңип, Mercedes-Benz G 500 унаасын сатуу ниетин билдиргенин маалымдаган. Унааны кийинчерээк расмий каттоо үчүн ал М. Н.дан $23,5 миң доллар алган.
Натыйжада, оперативдик иш-чаралардын жүрүшүндө милиция кызматкерлери 21 жаштагы И. М.ды кармашты. Ал тергөө бөлүмүнө жеткирилди жана Бишкек ШИИБинин убактылуу кармоо жайына, КРнын Кылмыш-процессуалдык кодексинин 96-беренесине ылайык, жайгаштырылды.
Тергөө уланууда.
