Патрулдук милициянын басма сөз кызматы айдоочунун жеке маалыматын аныктаганын билдирди. Анын менен профилактикалык сүйлөшүү жүргүзүлүп, мыйзам бузуу боюнча протокол түзүлгөн.
Автобус айдоочусу камерага болгон окуя үчүн кечирим сурап, анын катачылыгынын себептери көңүл бурбастыктан улам болгонун түшүндүрдү. Ал мындай окуялардын кайрадан болбой турганына ишендирди.
Патрулдук милицияда коомдук транспорттун айдоочулары өз жүргүнчүлөрүнүн коопсуздугун камсыз кылууга милдеттүү экенин жана жолдо максималдуу көңүл бурууну көрсөтүп, жол кыймылынын эрежелерин так сактоосу керектигин белгилешти.
