Ирандагы Адам укуктары активисттери (HRANA) уюму каза болгондордун арасында 742 тынч тургун бар экенин, алардын 176сы — балдар экенин билдирди.
IRNAнын сүрөтү. Минабдагы башталгыч мектепке болгон чабуулдун натыйжасында курман болгон 165 кыздын жерге коюлушу
Минабдагы башталгыч мектепке болгон чабуулдун натыйжасында курман болгон 165 кыздын акыркы жерге коюлушу Иранда өттү.
Кызыл Ай 153 аймакка багытталган 1039 ракета чабуулун каттады, анын натыйжасында 504 объект жабыркады.
Бүгүн Израиль Ливандын түштүгүндө жердеги операцияны баштады. Коргоо министри Исраэль Кац Куралдуу Күчтөргө «Ливандагы кошумча стратегиялык аймактарды басып алуу жана чабуул жасоо» буйругу берилгенин жарыялады.
Бул аракеттер «Израилдин чек ара аймактарына чабуулдарды алдын алуу» максатын көздөйт, расмий билдирүүгө ылайык.
Израиль армиясы (ЦАХАЛ) Түштүк Ливанга кирип, өлкөнүн аймагында позицияларды ээлеп алды, деп билдирет аскерий басма сөз кызматы. Операциянын негизги максаты «Хезболла» инфраструктурасына сокку урганга багытталган.
