Визит учурунда алар мугалимдин ден соолук абалына кызыгып, колдоо көрсөтүп, тезирээк айыгып кетүүсүн каалашты.
Кеңешмелердин натыйжасында ата-энелердин катышуусунда кеңейтилген жыйын өткөрүү чечими кабыл алынды, анын максаты окуучулар арасында агрессивдүү жүрүм-турумду азайтуу жана мындай инциденттердин алдын алуу болуп саналат. Ошондой эле тараптар билим берүү мекемелеринде коопсуздук чараларын күчөтүү жана видеокөзөмөл системасын кеңейтүү зарылдыгына макул болушту.
Айбек Джунушалиевдин белгилөөсү боюнча, мэрия 2025-жылы борбордук мектептерде видеокөзөмөлдү орнотуу жана модернизациялоо үчүн 160 миллион сом бөлгөн.
16-февралда №83 мектебинде окуучу менен мугалимдин ортосунда кагылышуу болуп, ал физикалык зомбулукка айланганын эске салуу керек.
Укук коргоо органдарынын маалыматына ылайык, окуя болгон жерге милиция кызматкерлери келишти. Окуянын катышуучулары 1957-жылы туулган мугалим К.Б. жана 2010-жылы туулган 10-класстын окуучусу М.К. болуп белгиленди.
Мугалим окуучуга чара көрүү өтүнүчү менен арыз жазса, жашы жете элек окуучу медициналык жардамга кайрылган.
