Милициянын маалыматына ылайык, 2025-жылдын августунда белгисиз адам "Арча-Бешик" жашоо массивиндеги үйгө терезеден кирип, 176 миң сомдук алтын буюмдарды уурдагандан кийин качып кеткен.
Бул факт боюнча "Уурулук" беренеси боюнча кылмыш иши козголду. Оперативдик иш-чаралардын натыйжасында 1985-жылы туулган шектүү Д. Б. кармалды. Ал Бишкек ШИИБинин убактылуу кармоо жайына жайгаштырылды.
Ленин райондук соту аны эки айга камакка алуу чечимин кабыл алды, СИЗО-1де кармалып турат.
Милиция кармалган адамдын башка окшош кылмыштар менен байланышына текшерүү жүргүзүлүп жатканын кошумчалады. Тергөө уланууда.
