Алынган маалыматка ылайык, 4-январда Свердлов районунун ИИБине жаран Ы.К. кайрылган. Ал «Глобус» дүкөнүнүн токтоочу жайында 5:30 чамасында адамдар тобу анын үстүнө кол салып, денесине зыян келтирип, 10 миң сом жана баасы 5 миң сомдук видеорегистраторун алып кеткенин айтып берген. Андан кийин кылмышкерлер окуянын ордунан качып кетишкен.
Кылмыш иши Кыргыз Республикасынын Кылмыш кодексинин 206-беренесинде (уурдоо) каралган кылмыш белгилери боюнча козголгон.
Жүргүзүлгөн тергөө-оперативдик иш-чаралардын натыйжасында жаран Ж.М. аныктап, кармалган. Ал 96-УПКнын негизинде Бишкектин ШИИБинин убактылуу кармоо жайына киргизилген.
