Тергөө маалыматтарына ылайык, 9-февралда М.Б. 14 жаштагы Т.Д. аттуу сегизинчи класстын окуучусун мектебинин жанында токтотуп, ага коркутуу менен iPhone телефонун тартып алган. Андан кийин ал өспүрүмдүн дарегин билип, андан акча талап кыла баштаган.
Эки миң сом өлчөмүндөгү акча өткөрүп берүү учурунда шектүү милиция тарабынан кармалды. Андан ошондой эле бычак жана акча табылды.
М.Б. убактылуу кармоо жайына жайгаштырылды. Милицияда анын мурда төрт соттук өкүмү бар экендиги маалымдалды. Тергөө уланууда.
Укук коргоо органдары бул адамдын аракеттеринин курмандыгы болгон бардык адамдарды 0322262757 жана 0551507150 телефон номерлери боюнча кайрылууга чакырышат.
