«Эгер сиз жөн гана картаңызды өткөрүп берсеңиз, акча өткөрүүгө жардам берсеңиз же аккаунтуңузга кирүүгө мүмкүнчүлүк берсеңиз, сиз автоматтык түрдө кылмышка катышуучу болуп каласыз жана кылмыш жоопкерчилигине тартылышыңыз мүмкүн. Алаяктар социалдык тармактар жана мессенджерлер аркылуу дропперлерди активдүү издеп, аларга «жөнөкөй киреше» убада кылышат», — деп белгилешти ИИМде.
Интернетте жарыяланган видеодо бир нече жаштар өзүнүн банк карталарын 1000ден 3000 сомго чейин сатканы тууралуу айтып беришти.
Дропперлик уурдалган акчаларды «жууган» жана накталай акчага айландыруу менен байланышкан алаяктар схемаларына катышууну билдирет. Дропперлер (же дроптор) башка жарандардан уурдалган акчаларды өз карталарына өткөрүп алуу, алуу же чыгаруу үчүн сыйлык алышат. Мындай иш-аракеттер мыйзамсыз болуп, Кыргыз Республикасынын Кылмыш-жаза кодексинин 209-беренеси («Алаяктар») боюнча кылмыш жоопкерчилигин тартат.
