Бул иш-чаралар коомдук тартипти сактоо жана жергиликтүү тургундардын тынчтыгын камсыздоо максатында уюштурулган. Милиция кызматкерлери курулуш жайларына барып, чет өлкөлүк жумушчулар менен сүйлөшүүлөрдү өткөрүштү.
Бул жолугушууларда жумушчуларга Кыргыз Республикасынын мыйзамдары, миграциялык каттоо эрежелери, ошондой эле жаран катары алардын укуктары жана милдеттери түшүндүрүлдү. Айрыкча, мыйзам бузуулар үчүн жоопкерчилик жана коомдук тартипти сактоонун мааниси боюнча басым жасалды.
«Тынчтык жөнүндө» мыйзамга ылайык, куруучуларга жарандардын тынчтыгын сыйлоо зарылдыгы эскертилди. Аларга көп кабаттуу үйлөрдүн курулуш объектилеринде курулуш иштерин уюштуруунун убакыт ченемдерин жана эрежелерин сактоо боюнча талаптар түшүндүрүлдү.
ОВДдан билдиришкендей, мындай профилактикалык аракеттер мыйзам бузуулардын алдын алуу, жумушчулардын укуктук сабаттуулугун жогорулатуу жана райондо тартипти бекемдөө максатын көздөйт.
