Милициянын маалыматына ылайык, окуя 2025-жылдын 8-декабрында болгон. Жабырлануучу, досу жана эки кыз менен ижарадагы бөлмөдө жатканда, белгисиз адамдар кирип келгенин айтып берди. Ал кол салууга учурап, натыйжада iPhone 11 Pro мобилдик телефону, саат жана акчасы уурдалган. Мындан тышкары, уурулар аны "О!Деньги" системасы аркылуу 6 700 сом өткөрүүгө мажбурлашкан.
Тергөө учурунда уурдалган телефонду шектүү 10 000 сомго сатканы жана алынган акчаны өз муктаждыктарына жумшаганы аныкталды. Учурда кылмышка катышкан экинчи адамды издөө уланууда.
Бул иш боюнча тергөө уланууда.
