Маалыматка ылайык, Таш-Кумыр шаардык милициясына жергиликтүү тургун К.С., 1987-жылы туулган, кайрылган. Ал кайрылуусунда 5-январда, саат 15:05те, Кызыл-Алма айылында, Ош—Бишкек автожолунда, белгисиз адамдар кара «Мерседес» унаасы менен анын ошол аймакта жайылып жүргөн койун уурдагандарын билдирген.
«Бул окуя Таш-Кумыр ГОВДсынын тергөө кызматы тарабынан Кыргыз Республикасынын Кылмыш кодексинин 205-1-беренесине ылайык, мал уурдоо боюнча кылмыштардын Бирдиктүү реестрине катталган. Натыйжада, кылмыш иши козголду», - деп билдиришти пресс-службада.
Оперативдик иш-чаралардын жүрүшүндө милиция кызматкерлери Баткен облусунан 2002, 2003 жана 2004-жылдары туулган шектүүлөрдү кармашты. Алар Таш-Кумыр ГОВДсынын убактылуу кармоо жайына жайгаштырылды», - деп кошумчалашты билдирүүдө.
Учурда тергөө иштери уланууда.
