Окуя жергиликтүү мечиттердин биринде болуп, бул тууралуу Ленин районунун Ички иштер башкармалыгынын маалымат кызматы билдирди.
Маалыматка ылайык, 27-январда Б.Д. аттуу жаран укук коргоо органдарына кайрылган. Ал ошол эле күнү, саат 18:15 чамасында, мечиттин ичинде турган белгисиз адам маанилүү документтер менен толтурулган сумканы уурдап, окуя болгон жерден качып кеткенин айтты.
Бул окуянын натыйжасында Кыргыз Республикасынын Кылмыш-жаза кодексинин 205-беренеси (уурдоо) боюнча кылмыш иши козголду.
Иш-чаралардын жүрүшүндө 2008-жылы туулган С.А. аттуу шектүү кармалды.
Азыркы учурда тергөө иштери улантылууда.
