26-январда Бишкек шаарындагы Ички иштер башкармалыгына А.А. аттуу жаран кайрылып, мурдагы күйөөсү, учурда Жогорку Кеңештин депутаты Э.С.га каршы жазуу жүзүндө арыз берген. Ал үй-бүлөлүк зомбулук фактысы боюнча чара көрүүнү суранып жатат.
Милиция тарабынан берилген маалыматка ылайык, арыз ээси узак убакыт бою мурдагы күйөөсүнүн психологиялык басымы жана физикалык зомбулукка кабылганын билдирген.
Бул окуя Бишкек шаарынын Ички иштер башкармалыгынын маалыматтарды каттоо журналына катталган жана алдын ала текшерүү жүргүзүү башталган. Арыз ээси үчүн коргоо ордери берилген.
Учурда зарыл текшерүү иш-чаралары жүргүзүлүүдө, алынган натыйжалар боюнча кошумча маалымат берилет.
Ошондой эле, бул иштин борбордук милициянын жетекчилиги тарабынан көзөмөлдөп турганы баса белгиленет.
