Бүгүн, 03:54, Кыргызстандын түштүгүндө магнитудасы 4 болгон жер титирөө катталды. Сейсмология институтунун маалыматына ылайык, титирөөлөр бир нече айылдарда сезилди. Ош облусунун Алай районундагы Алга-Бас жана Кабылан-Кол айылдарында жердин титирөөсүнүн күчү 3,5 баллга жетти. Кара-Суу районундагы Лаглан, Тогуз-Булак жана Тээке айылдарында титирөө 3 баллга чейин жетти.
Жер титирөөнүн эпицентри Кабылан-Колдон 3 чакырым түндүк-чыгышта жана Алга-Бастан 5 чакырым түштүк-батышта жайгашкан.
Учурда, алдын ала маалыматтарга ылайык, бул жер титирөөдөн жабыркагандар же кыйраган имараттар тууралуу маалымат жок.
