УПСМден алынган маалыматка ылайык, айдоочу укук коргоо органдарынын мыйзамдуу талаптарын эске албай, качууга аракет кылган, ошол эле учурда жол эрежелерин катуу бузган.
Куугунтук учурунда унааны токтотууга жетишилди. Транспорт каражаты токтотулганда, айдоочу унаадан чыгып качууга аракет кылган, бирок УПСМ кызматкерлеринин ыкчам аракеттеринин жардамы менен ал кармалып, наркологиялык борборго жөнөтүлгөн. Медицина экспертиза алкоголдун колдонулганын тастыктады.
Качуу учурунда айдоочу жол эрежелерин 15 ирет катуу бузган. Унаа айыппул токтотуучу жайга коюлду.
Айдоочуга укук бузуулар боюнча 85 миң сом өлчөмүндө айып пул салынган протокол түзүлдү, ал эми иштин материалдары унаа башкаруу укугунан ажыратуу боюнча чечим кабыл алуу үчүн сотко өткөрүлдү.
