Дарыгерлердин билдирүүсүнө ылайык, бала 21-январь түнүндө критикалык абалда, постгеморрагиялык шок жана кан кетүүдөн жабыркаган бойдон ооруканга жаткырылган.
«Ата-энеси элдик дарыгерлерге кайрылып, баланын аркасына насечка жасашкан. Анын гемоглобин деңгээли 45 болду, ал эми нормасы 110-120 деп эсептелет. Тилекке каршы, биз баланы куткара алган жокпуз. Бул процедуралар канча убакытка созулганын билбейм. Окуя тууралуу биз дароо РОВДга билдирдик», — деп билдиришти ооруканадан.
