2023-жылдын 3-январында 65 жаштагы Ш. Л. аттуу аял жергиликтүү милиция бөлүмүнө кайрылып, 1978-жылы туулган уулу Ш. А. тууралуу маалымат берди.
Анын айтымында, уулу алкоголдук мас абалында көп жолу ага физикалык жана психологиялык зомбулук көрсөткөн.
Зомбулук фактыларын аныктоо үчүн соттук-медициналык экспертиза дайындалды, анын жыйынтыгы боюнча Ш. Л. жеңил жаракат алгандыгы жана бул анын ден соолугунун кыска мөөнөттүү бузулушуна алып келгендиги аныкталды.
Бул жагдайларга байланыштуу милицияда "Зомбулук" беренеси боюнча кылмыш иши козголду.
Тергөө иш-чараларынын жүрүшүндө шектүү Ш. А. кармалып, убактылуу кармоо жайына жайгаштырылды. Тергөө уланууда.
