Дежурдук бөлүмгө түшкөн маалыматтарга ылайык, бир топ жаштар 7 Апрель жана Ахунбаев көчөлөрүнүн кесилишиндеги дүкөндүн жанында отурум уюштурушкан. Алардын арасында «Хендай Палисад» унаасын мас абалда башкарган эркек киши болгон.
Патрулдук милиция кызматкерлери дароо окуя болгон жерге барышып, видеокөзөмөл камераларынан алынган маалыматтарды талдап, мыйзам бузуу фактыларын тастыкташты. Муну менен бирге, унаанын айдоочусу жана анын достору өз күнөөлөрүн моюнга алуудан баш тартышып, унаанын ачкычтарын берүүгө макул болушкан жок.
Текшерүү натыйжасында айдоочу наркологиялык мекемеге жеткирилди, ал жерде жүргүзүлгөн медициналык текшерүү анын канына алкоголь бар экенин тастыктады.
Унаа айып туташына коюлду.
