Топтун катышуучулары өз ишмердүүлүгүн жашыруу үчүн борбордун ар кандай райондорунан батирлерди ижарага алышкан. Алардын жашаган жерлеринде жүргүзүлгөн тинтүү учурунда вебкамералар, жарык берүүчү жабдуулар, компьютердик техника жана башка шаймандар, ошондой эле онлайн трансляциялар үчүн колдонулган эротикалык костюмдар жана аксессуарлар алынган.
Тергөөнүн жыйынтыгы боюнча, топ Chaturbate (CB), Stripchat (strip) жана BongaCams сыяктуу платформаларда трансляцияларды өткөргөн жана алынган кылмыштуу кирешелер Binance криптосчеттарына жөнөтүлгөн.
Учурда бул мыйзамсыз ишмердүүлүккө тартылган бардык адамдарды аныктоо боюнча иштер улантылууда.
