Камерага чыгып кечирим сурашты, экспертизалар башталды
Кыргыз тилин шылдыңдаган блогерлер Ички иштер министрлигинин жана Улуттук коопсуздук комитетинин кызматкерлери тарабынан кармалды. Бул тууралуу Бишкек шаардык Ички иштер башкармалыгы билдирди.
Социалдык тармактарда кыргыз тилинин өзгөчөлүктөрүн шылдыңдаган видео пайда болду. Бул коомчулукта чоң резонанс жаратты. Бул окуя Бишкек шаарынын Ички иштер башкармалыгынын автоматташтырылган маалымат системасында катталган жана тергөө текшерүүсү башталган.
Бишкек шаардык Ички иштер башкармалыгынын жана Кыргызстандын Улуттук коопсуздук комитетинин кызматкерлери тарабынан жүргүзүлгөн оперативдүү-издөө иш-чараларынын жүрүшүндө видеого тартылган адамдардын жеке жактары аныкталды. Алар Т.К. (1991 ж.т.), С.С. (1991 ж.т.) жана М.М. (1991 ж.т.) болуп чыкты. Алар кармалып, Ички иштер башкармалыгынын Тергөө кызматына өткөрүлдү, деп билдиришти ведомстводон.
Учурда алардын аракеттерин юридикалык баалоо үчүн экспертизалар дайындалды, ошондой эле кошумча текшерүүлөр жүргүзүлүүдө. Алардын жыйынтыктарына жараша Кыргыз Республикасынын мыйзамдарына ылайык чечим кабыл алынат.
Сүрөт www
