Бүгүн, 20-январда, Бишкекте Балбан-Таймаштагы СТОдо чоң өрт чыкты.
Куткаруу кызматтары тарабынан берилген маалыматка ылайык, өрт 09:17де толугу менен өчүрүлгөн.
Өрттү өчүрүү үчүн алты өрт өчүрүүчү унаа, ошондой эле оперативдик топ жана кризистик кырдаалдарды башкаруу борборунун штабы тартылган. Шаардык МЧС башкармалыгынын кезметчи кызматкери билдиргендей, өрт чыккан аянт 250 чарчы метрди түзгөн. Бактыга жараша, окуянын натыйжасында курмандыктар жана жабыркагандар катталган эмес.
