Министрликтин маалыматына ылайык, Манас шаарында М. Исакулов көчөсүндө муниципалдык ишканасына таандык жылуулук борборунда мазуттун от алганы катталган. Ошондой эле Р. Эгембердиев көчөсүндөгү үйдүн короосундагы нан бышырган жайда газ плитасынын от алганы себептүү өрт чыккан.
Мындан тышкары, Сузак районунун Көк-Арт айылдык аймагында жайгашкан Таран-Базар айылында С. Сейитов көчөсүндө жалпы аянты 98 квадрат метр болгон темир жабын менен жабылган курулуп жаткан имаратта 22 квадрат метр аянтта чатыр жана потолок күйүп кеткен.
Учурда бул өрт кырсыктарынын себептери аныкталууда.
