Күбөлөрдүн айтымында, №103 автобусы убагында токтоло албай, №226 автобустун арткы бөлүгүнө урунган. Кагылышуудан кийин эки автобус дагы териштирүү үчүн базага жөнөтүлдү.
Муниципалдык "Бишкек шаардык транспорт" ишканасы тарабынан берилген маалыматка ылайык, жүргүнчүлөрдүн бири жабыркаган.
Ишкананын өкүлү: "226-маршруттагы автобуста болгон 35-40 жаштардагы жабыркаган аял тез жардам бригадасы тарабынан медициналык мекемеге жөнөтүлдү", - деп билдирди.
Жол кырсыгы катталды жана териштирүү башталды, деп кошумчалашты муниципалдык органда.
