Бул маалыматты Turmush агенттигинин кабарчысы менен сүйлөшүүдө мэриянын муниципалдык менчик башкармалыгынын өкүлдөрү тастыкташты.
«Эскертүү бул жаранга аймакты көрктөндүрүү нормаларын бузганы үчүн берилди. Эгер үч күндүн ичинде жагдай оңдолбосо, мыйзамга ылайык, ага 3000 сом өлчөмүндө айып пул салынышы мүмкүн. Бузууларга уруксатсыз дарактарды жыйноо жана көмүрдү күйгүзүүдөн калган күлдү топтоо кирет. Кыргыз Республикасынын укук бузуулар кодексинин 114-беренесине ылайык, көрктөндүрүү эрежелерин сактоо ар бир жарандын милдети», - деп белгилешти ведомстводон.
