Күн ичинде Кыргызстандагы беш облуста жана Ош шаарында 11 өрт катталды

Жалал-Абад, Нарын, Чүй, Ош жана Ысык-Көл облустарында, ошондой эле Ош шаарында акыркы 24 сааттын ичинде 11 өрт кырсыгы болгон.

Кыргыз Республикасынын Өзгөчө кырдаалдар министрлигинин өрт өчүрүү жана куткаруу кызматынын маалыматына ылайык, бул өрттөрдү өчүрүү үчүн 21 өрт бөлүмү тартылган.

Атап айтканда, Жалал-Абад облусунда 3 өрт, Ош облусунда 2, Чүй облусунда 2, Ош шаарында 1, Нарын облусунда 2, жана Ысык-Көл облусунда 1 өрт болгон.

Мындан тышкары, куткаруучулар жардам көрсөтүү үчүн бир жолу чыгып кетишкен.