Мурда Turmush жазгандай, А. Исаков 21-декабрда Сокулук районунда жайгашкан «Белек» дачасынын үйүнөн чыгып, азыркыга чейин табылган жок.
Ал 1973-жылы төрөлгөн. Нарын облусунун Жумгаль районунун Байзак айылынан.
Анын кичүү агасы Шагибек Исаков кайрадан кайрылып, издөө иштеринин натыйжасыз болгонун жана агасынын азыркыга чейин табылбаганын билдирди.
«21-декабрь 2025-жылы ал биздин үйдөн «Белек» дачасына чыгып, ошол күндөн бери дайынсыз. Психикалык оорулар менен жабыркабайт, бирок убак-убагында спирт ичимдиктерин ичип турат. Көп жерлерде издөөгө аракет кылдык, издеп чыкпаган бир дагы айыл калбады. Миллиция да издөө иштерин жүргүзүп жатат. Бирок азырынча натыйжа жок», - деди ал.
Эгерде аны көргөн же кандайдыр бир маалыматка ээ болгондор болсо, 0504 38 38 09 телефонуна байланышуу суранылат.
