Ведомствонун маалыматына ылайык, айдоочу токтоону талап кылган буйруктарды көз жаздымда калтырып, качууга аракет кылган, ошол эле учурда жол кыймылынын эрежелерин бузуп, башка жол кыймылынын катышуучуларынын коопсуздугуна коркунуч туудурган.
Оперативдүү аракеттердин натыйжасында унааны токтотууга жетишилди. Текшерүү учурунда айдоочунун алкоголдук мас абалда экени аныкталды. Ага укук бузуулар боюнча протоколдор түзүлдү, ал эми анын унаасы айыппул токтотуучу жайга коюлду.
Патрульдук милиция башкармалыгы бардык айдоочуларды жол кыймылынын эрежелерин катуу сактоого чакырып, мас абалда унаа башкаруунун адамдардын ден соолугуна жана өмүрүнө олуттуу коркунуч туудурарын жана укук коргоо органдарынын өзгөчө көзөмөлүндө экенин эскертти.
