Берилген маалыматтарга ылайык, 4-январда 1975-жылы туулган жана Караколдо жашаган аял укук коргоо органдарына арыз жазган.
Арыз бергенинин айтымында, 2-январда анын 2010-жылы туулган жашы жете элек кызы үйдөн чыгып, кайра келген эмес. Кийинчерээк кызды таап, Каракол шаардык ички иштер бөлүмүнүн жаштар инспекциясынын кызматкерлерине өткөрүп беришкен. Ал 7-январда Ак-Суу айылында тааныш эмес үйдө зордуктоого кабылганын айтып берген. Бул боюнча факт катталып, соттук-медициналык экспертиза дайындалып, 16 жашка толо элек адамдарга карата сексуалдык аракеттер боюнча кылмыш иши козголгон.
Ысык-Көл облусунун милициясынын сүрөтү
Оперативдик иш-аракеттердин натыйжасында Ак-Суу айылынан О. У. жана Б. К. аттуу шектүүлөр кармалды, экөө тең 2006-жылы туулган. Алдын ала маалыматтар боюнча, жаш жигиттер өз күнөөлөрүн моюнуна алышып, убактылуу кармоо жайына жайгаштырылды.
Тергөө иштери уланууда.
