Бишкекте Аалы Токомбаев көчөсүндөгү турак үйдүн батириндеги өрт өчүрүлдү

Өрт Аалы Токомбаев көчөсүндөгү турак жай имаратынын экинчи кабатында пайда болду. Өзгөчө кырдаалдар министрлиги билдиргендей, от 19:01де толук өчүрүлдү. Бишкек шаардык ӨКМдин оперативдик кезметинин маалыматына ылайык, өрттөнгөн аянт 50 чарчы метрге жакын болду.

Өрттү өчүрүү үчүн эки өрт өчүрүү бөлүгү тартылган. Коопсуздук максатында имараттан он чакты адам эвакуацияланды.